Ieithoedd Modern a Chymraeg
Wrth dyfu’n agosach at ein cymdogion Ewropeaidd, mae mwy a mwy o alw i ni allu siarad Ieithoedd Tramor. Rydym yn cynnig cyrsiau ar nifer o lefelau mewn Ffrangeg, Sbaeneg ac Eidaleg, yn cynnig cyfle i chi ddysgu am iaith a diwylliant gwahanol. Petaech yn dewis dysgu ychydig o frawddegau i ddefnyddio ar eich gwyliau blynyddol, neu os ydych am fod yn rhugl yn yr iaith, gallwn gynnig cyfle i chi ddysgu iaith dramor o’ch dewis.
Mae’r Iaith Gymraeg hefyd yn bwysig iawn o fewn y Gymru fodern. Rydym yn cynnig cyfle i unigolion a grwpiau i ddysgu’r heniaith, gan gynnig cyrsiau sy’n addas ar gyfer pob lefel, o gychwynwyr newydd i ddysgwyr mwy profiadol. Mae staff yr Adran Gymraeg wedi creu cwrs newydd sbon, Cwrs Llanllawen, ac wedi lawnsio "Clwb Llanllawen" er mwyn i Ddysgwyr ddefnyddio eu Cymraeg tu allan i’r dosbarth. Cewch fanylion ar eu gwefan:
http://www.clwbllanllawen.co.uk/
Yn ogystal â dosbarthiadau yn y gymuned rydym yn cynnal cyrsiau Cymraeg yn y Gweithle. Rydym yn cynnig hyfforddiant o’r radd flaenaf ar wahanol lefelau a gallwn gyfarfod ag anghenion iaith penodol unrhyw gwmni neu gorff cyhoeddus trwy gydweithio â nhw i greu cyrsiau ac adnoddau arbenigol. Mae Heddlu Gogledd Cymru a Chyngor Sir Ddinbych yn enghreifftiau o’n darpariaeth lwyddiannus yn y maes hwn.
