Coedwigaeth a Chefn Gwlad
Cyrsiau Coedwigaeth a Chefn Gwlad
Mae'r Coleg wedi datblygu ei hyfforddiant coedwigaeth a choedyddiaeth yn ystod y deng mlynedd diwethaf i gynnig amrywiaeth cynyddol o gyrsiau llawn a rhan-amser a chyrsiau byr i gwrdd â gofynion y diwydiant a dysgwyr. Mae safle daearyddol y Coleg yn golygu gellir gymryd mantais o ardaloedd coedwigol ucheldirol a choetiroedd is, cymysg a llydanddail i gynnig amrediad o brofiad a chyfleoedd, o gyrsiau cynhyrchu i goetiroedd fferm, o goetiroedd naturiol hynafol i goed mewn amgylchedd drefol. Mae’r cyrsiau yn cydnabod y rôl gynyddol amrywiol a chwaraeir gan goedwigaeth yn yr ardaoledd gwledig a threfol ynghyd â'r sgiliau ehangach sydd eu hangen gan gweithwyr a rheolwyr er mwyn sicrhau'r nodau cymysg hyn.
Yn ogystal â rheoli ei adnoddau coetirol ei hun, mae Llysfasi'n rheoli ardaloedd ar gyfer perchnogion a sefydliadau preifat eraill. Mae hyn yn sicrhau cyswllt agos â'r diwydiant ac yn sicrhau bod staff yn derbyn y wybodaeth ddiweddaraf am faterion cyfredol. Mae hefyd yn rhoi cyfle i fyfyrwyr ymweneud ag amrediad ehangach o reolaeth ar goetiroedd.
Anogir myfyrwyr hefyd i fod yn rhan o amrywiaeth o brosiectau a ddatblygir yn yr adran. Gyda chefnogaeth awdurdodau lleol a Chyngor Cefn Gwlad Cymru, mae'r Coleg yn ymwneud ag epilio rhywogaethau lleol o goed prin. Hefyd, mewn cydweithrediad a'r Comisiwn Coedwigaeth, mae'r Coleg yn ymwneud â rhaglen o ddatblygu peiriannau a systemau gweithio i annog y gwaith o reoli coetiroedd bychain ac anhygyrch. Mae arbenigedd y Coleg mewn amaethyddiaeth a choedwigaeth yn annog y syniad o integreiddio rheolaeth amgylcheddol ar dir i systemau cynhyrchu cyfredol mewn ffordd ymarferol a chydymdeimladol Gydag amrywiaeth o staff cymwys ar lefel broffesiynol a thechnegol, mae'r Coleg yn gallu cynnig cyfleoedd dysgu i fyfyrwyr o amrediad eang o brofiad a chefndir, mewn amgylchedd cyfeillgar, cefnogol.
